ពលរដ្ឋនិងមហាជនធ្វើដំណើរឆ្លងកាត់ផ្លូវបេតុង១ខ្សែនេះកំពុងតែរិះគន់យ៉ាងខ្លាំងថាទឹកដក់.កខ្វក់ រ៊ាំរៃមួយកន្លែងនេះបែរជាអាជ្ញាធរក្រុងប៉ោយប៉ែតមិនយកចិត្តទុកដាក់ក្នុងកែលម្អ!!!

 

ក្រុងប៉ោយប៉ែត៖ផ្សាយចេញថ្ងៃទី២៥.០១.២០២៣ ពលរដ្ឋជាច្រើននៅក្នុងភូមិប៉ោយប៉ែតកំពុងតែរិះគន់ទៅលើអាជ្ញាធរសង្កាត់អូជ្រៅយ៉ាងខ្លាំងខណៈតែពួកគាត់ឆ្លងកាត់ផ្លូវបេតុងមួយខ្សែនេះម្ដងៗធ្វើឲ្យគាត់មានការបំពេញចិត្តថា ទឹកដក ភួកជាំកខ្វក់ ដក់រ៊ាំរៃដូចខួបប្រាំងខួបវស្សាបែរជាអាជ្ញាធរនៅក្នុងមូលដ្ឋានហាក់បីដូចជាព្រងើយកន្តើយមិនយកចិត្តទុកដាក់ក្នុងការថែរក្សាបរិស្ថាននិងផ្លូវបេតុងមួយនេះឲ្យបានល្អឬគិតថាមិនផលប៉ះពាល់ដល់ផាសុខភាពរបស់បងប្អូនប្រជាពលរដ្ឋក្នុងមូលដ្ឋាន។

យោងតាមក្រុមការងារអង្គភាព{ខ្លាមាស Tv online}ប្រាប់អោយដឹងថាទឹក ដក់.កខ្វក់ មួយកន្លែង លើផ្លូវបេតុង ស្ថិតក្នុងភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ មានសភាព គគ្រិច ស្មោគគ្រោគ ដែលជាទឹក កាកសំណល់ ពីបង្គន់អនាយម័យ ដែលបានបង្ហូរចេញពីផ្ទះប្រជាពលរដ្ឋចំនួន ២គ្រួសារ ពីការប្រើប្រាស់ប្រចាំថ្ងៃ ដែលជាបន្ទប់ជួល បង្ហូរ ទម្លាក់លើផ្លូវបេតុង ខាងលើនេះ ។ 
ទឹកកង្វក់ខាងលើ សាយខ្លិនភាយ ធ្វើឱ្យប៉ះពាល់ សុខមាភាព និង ការធ្វើដំណើររបស់ បងប្អូនប្រជាពលរដ្ឋ ទូទាំងភូមិ មានការពិបាកខ្លាំង ដោយរអិល និងមានក្លិនឆ្អេះឆ្អាបស្អុយ ពិបាកក្នុងការរស់នៅខ្លាំង ។
គួរបញ្ជាក់ផងដែរ ម្ចាស់អាជីវកម្ម ដែលរស់នៅក្នុងភូមិសាស្ត្រខាងលើនេះ មានការបង្ហូរទឹកកង្វក់ គឺ អស់រយៈកាលជាច្រើនខែកន្លងមក ហើយមិនទាន់ឃើញមានអាជ្ញាធរពាក់ព័ន្ធណាម្នាក់ហ៊ានចេញមុខចុះមកធ្វើ ការហាមនោះទេឬក៏ម្ចាស់អាជីវកម្មពីគ្រួសារនេះមានរិទ្ធិអំណាចបារមីខ្លាំងជាងមន្ត្រីអាជ្ញាធរក្នុងមូលដ្ឋានទើបមិនមានការទប់ស្កាត់អ្វីទាល់តែបន្តិចសោះ។
ជុំវិញបញ្ហាទឹកដក់ កខ្វក់ គគ្រិច ប្រជាពលរដ្ឋសង្ឃឹមថា លោក វ៉ា ជឹមណារ៉េត ទើបមកកាន់តំណែងជាចៅសង្កាត់អូរជ្រៅ និងដឹកនាំគណៈបញ្ជាការឯកភាពសង្កាត់ចុះពិនិត្យទីតាំងជាក់ស្ដែងដើម្បីមានវិធានការចំពោះអាជីវកម្មពីគ្រួសារនេះនិងមានដំណោះស្រាយបញ្ជៀសទឹកកខ្វក់គគ្រិចខ្សែក្លិនភាយស្អុយធ្វើឲ្យប៉ះពាល់សុខមាភាពធ្វើឱ្យប៉ះពាល់ដល់បទបរិស្ថាន។
ពលរដ្ឋលើកឡើងថា៖លោក គាត ហ៊ុល អភិបាលក្រុងប៉ោយប៉ែតមេត្តាយកចិត្តទុកដាក់បន្តិចក្នុងការអភិវឌ្ឍន៍ហេដ្ឋារចនាសម្ព័ន្ធភូមិនិងឃុំៗរបស់ខ្លួនឲ្យមានសោភ័ណ្ឌភាពស្អាតស្រស់បំព្រងមិនមានទឹកដក់ភុកគគ្រិចស្អុយឆេះស្អាបនោះទេ។
សង្ឃឹមថាលោកអភិបាលក្រុងនិងយកចិត្តទុកដាក់ក្នុងចង្អុលបង្ហាញទៅដល់មន្ត្រីក្រោមឱវាទការចុះពិនិត្យទីតាំងជាក់ស្ដែងដើម្បីធ្វើការកែលម្អឲ្យមានសោភ័ណភាពល្អប្រសើរឡើងវិញ។ជៀសវាងពលរដ្ឋក្នុងមូលដ្ឋានរិះគន់ថាអាជ្ញាធរមិនយកចិត្តទុកដាក់ក្នុងការអភិវឌ្ឍន៍ភូមិឃុំរបស់ខ្លួន។
#ដោយលោក សៅ កុសល ហៅតាខ្មៅ០៤..!!!

ការិយាល័យនិពន្ធ៖0886655959/077414199